#
#
Дүйсенбі 08/03/2021

Алматыға шетелден ПТР анықтамасы жоқ 13 мың жолаушы келген

  • 27.01.2021
  • 0
  • 117

Пандемия басталғалы бері Алматыға шетелден 13 мыңнан астам адам ПТР тестісіз келді. Бұл туралы Алматы қалалық санитарлық-эпидемиологиялық бақылау департаментінің бастығы, қаланың бас мемлекеттік санитарлық дәрігері Жандарбек Бекшин онлайн брифинг барысында айтты, деп хабарлайды "Ұлт ақпарат".

"Әдетте басқа елден келген азаматтардың 90%-ы жасыл дәлізден өтеді, өйткені олардың қолында ПТР-тестілеудің теріс нәтижесі бар. Десекте, ақшаларын үнемдеп ПТР анықтамасыз келетіндер де бар. Мұндай адамдар басқа адамдарға үлкен қауіп төндіреді. Мемлекет мұндай азаматтарды тегін тестілеуден өткізіп, тамақтандырып, көлікпен қамтамасыз етеді. Пандемия басталғалы бері 13 мыңнан астам жолаушы Алматыға шетелден ПТР тестісіз келді. Шетелден келген 85 азаматтан коронавирус анықталды. Олар Түркия, Египет пен БАӘ және басқа елдерден ұшып келген жолаушылар", - деді Жандарбек Бекшин. 

Сонымен қатар, қаланың бас санитарлық дәрігері ПТР анықтамасы жоқ азаматтарды мемлекет тегін медициналық тексеруден өткізетіндігін атап өтті.

"Қазір ПТР тест құны - 8025 теңге. 6 мың теңге -жатын орны, азық-түлік пен жол ақысы - 4 500 теңге. Осыдан-ақ, мемлекет қанша ақша жұмсайтынын есептеуге болады. Біз сияқты азаматтарына қамқорлық танытатын мемлекеттер кемде-кем. Біз өз азаматтарымызды шетелде қалдыра алмаймыз", - деп атап өтті ол.

0 пікір

Пікір қалдыру

Чтобы оставлять комментарий нужно зарегистрироваться или авторизироваться

Маңызды мақалалар

БАННЕР