20 қаң, 2022 сағат 18:38

Алматыдағы шабуылдардан кейін қираған полиция ғимараттары көрсетілді - видео

Алматы қалалық ПД шабуылдан кейінгі полиция ғимараттарын көрсетті, - деп хабарлайды "Ұлт ақпарат" polisia.kz сайтына сілтеме жасап.

Сайт мәліметінше, 6 қаңтарға қараған түні қаланың Полиция департаментіне, Әуезов, Алмалы, Бостандық, Медеу, Жетісу аудандарының Полиция басқармаларына, сондай-ақ Алмалы аудандық ПБ жанындағы полиция бөліміне қарулы шабуыл жасалды.

"Шабуылшылар автоматтарды, гранаталарды, "Молотов" коктейльдерін және басқа да атыс қаруларын қолданған. Алматы Полиция департаментіне сағат 20:00-ден сағат 5:00-ге дейін барлығы 27 шабуыл жасалды. Өкінішке қарай, Алмалы аудандық ПБ жанындағы полиция бөлімінің ғимаратына жасалған шабуылды тойтару кезінде екі полицей қаза тапты", - делінген хабарламада.