Фото REUTERS
Алматыда жаппай тәртіпсіздік кезінде мәйітханалардан 41 адамның мәйіті ұрланған. Бұл туралы Алматы полиция департаментінің басшысы Қанат Таймерденов мәлімдеді, деп хабарлайды Sputnik Қазақстан.
"Шабуылдарды кәсіби дайындықтан өткен, қару-жарақ пен ұрыс әдістерін жетік меңгерген адамдар жасаған. Олар қаза болғандар мен жараланғандарды қалдырмай, өздерімен бірге алып кетті. Сол күндері мәйітханаға 7 шабуыл жасалып, соның барысында белгісіз біреулер қаза болған 41 адамның денесін ұрлап кеткен", - деді Таймерденов брифингте.
Ол Алматыда жаппай тәртіпсіздік кезінде 149 адамның, оның ішінде 11 құқық қорғау саласының қызметкері қаза тапқанын айтты.
Террористер 7 қару-жарақ дүкенін басып алды. 1 347 қару ұрланған.
Айта кетейік, 15 қаңтарда Бас прокуратура Қазақстан бойынша бүлік кезінде 225 адамның көз жұмғанын мәлімдеген еді. Тәртіпсіздіктер кезінде 4578 адам зардап шеккен. Оның ішінде 4 353 адам жараланды, оның 3393-і - құқық қорғау органдарының қызметкерлері.
Қазіргі уақытта 546 қылмыстық істі тергеліп жатыр. Оның ішінде 44-і - терроризм, 34-і - жаппай тәртіпсіздік, 15-і - адам өлтіру.
672 күдікті ұсталған. Оның 446-сы соттың санкциясымен қамауға алынды. Ұстауға негіз болмағандықтан, 100-ден астам адам босатылған.
924 рет оқылды
