Алматыда Chevrolet Cobalt көлігі ағашқа соғылып, жүргізушісі мерт болды, деп хабарлайды ҚазАқпарат.
Қалалық Полиция департаментінің дерегінше, жол-көлік оқиғасы 31 қаңтарда шамамен сағат таңғы сағат 08:00-де Достық даңғылында болған.
«Chevrolet Cobalt көлігінің жүргізушісі Достық даңғылымен солтүстік бағытта кетіп бара жатып, рульге ие бола алмай ағашқа соғылды. Алған жарақатынан жүргізуші қаза тапты»,- деді Алматы қаласының ПД Анықтау басқармасының бастығы Олжас Шәріпов.
Аталған дерек Қазақстан Республикасы Қылмыстық кодексінің 345-бабының 3-бөлігі бойынша сотқа дейінгі тергеп-тексерудің бірыңғай тізіліміне тіркелді. Сараптамалар тағайындалды.
874 рет оқылды
