Алматыда автобус пен жеңіл автокөлік соқтығысты. Оқиға салдарынан жеңіл автокөлік жүргізушісі ауруханаға түсті, деп хабарлайды ҚазАқпарат.
Қалалық полиция департаментінен мәлім еткендей, бүгін таңғы сағат 06.20-да Жұмабаев пен Жансүгіров көшелерінің қиылысында жол көлік оқиғасы болды.
«Жұмабаев көшесімен батыс бағытта келе жатқан «YUTONG» маркалы автобус Жансүгіров көшесі бойымен солтүстік бағытта келе жатқан «Nissan» маркалы автокөлігімен соқтығысты. Нәтижесінде жеңіл автокөліктің жүргізушісі №7 қалалық клиникалық ауруханаға жеткізілді. Материал Түрксіб аудандық полиция басқармасының қызметкерлерімен өндіріске қабылдады», - деді Алматы қалалық ПД Анықтау басқармасының бастығы полиция подполковнигі Олжас Шәріпов.
996 рет оқылды
