07 ақп, 2022 сағат 09:15

Алматы және Жамбыл облыстарында террористік қауіптің "қызғылт сары" деңгейі жойылды



Тағы екі өңірде – Алматы және Жамбыл облыстарында террористік қауіптің жоғары – "қызғылт сары" деңгейі жойылды.

Мұндай қауіпсіздік шарасы дүйсенбі, 7 ақпан күні сағат 00.00-ден бастап алынып тасталды, деп хабарлады Sputnik Қазақстан агенттігі облыстық терроризмге қарсы штабтарға сілтеме жасап.

Өңір тұрғындарына түсіністікпен қарап, азаматтық жауапкершілік танытқаны үшін алғыс айтылды.

Осылайша дүйсенбіден бастап арнайы және құқық қорғау органдары қалыпты жұмыс режиміне көшеді.

Еске сала кетейік, Қазақстан Президенті Қасым-Жомарт Тоқаев қаңтардағы тәртіпсіздіктерден кейін елде 5-19 қаңтар аралығында төтенше жағдай жариялаған болатын. 26 қаңтарда Алматы облысында қауіптің қызыл деңгейі жойылып, террористік қауіптің жоғары, қызғылт сары деңгейі енгізілді.