08 шіл, 2021 сағат 19:05

Алматы тауларынан табылған қыз жансақтау бөлімінде жатыр

Дәрігерлер Алматы тауларынан табылған қыздың жағдайы туралы айтты, - деп хабарлайды "Ұлт ақпарат".

Алматы қаласының қоғамдық денсаулық басқармасының мәліметі бойынша, құтқарушылар тапқан Әлия Камиев №7 Қалалық клиникалық ауруханаға жеткізген.

"Реанимация залында дәрігерлердің мультидисциплинарлық бригадасы қызды шұғыл қарап, барлық қажетті зертханалық-диагностикалық, аспаптық тексеру әдістері жүргізілді. Ауруханаға түскен кездегі қыздың жағдайы ауыр болды", - деді басқарма өкілі.

Қазір қыз одан әрі емдеу және бақылау үшін жансақтау, анестезиология және қарқынды терапия бөліміне жатқызылған.

Айта кетейік, Әлия Камиева 5 шілдеде таңертең БАО ауданына телефонсыз шығып, жоғалып кеткен болатын. Іздестіру-құтқару жұмыстарына құтқарушылар мен 75 ерікті жіберілді. Жоғалған адам 8 шілдеде 10.56-да табылды.