#
#
Сенбі 06/03/2021

Алматы кәсіпкерлері 25 қаңтарға дейін қызметкерлерін МӘМС жүйесінде сақтандыруы тиіс

  • 22.01.2021
  • 0
  • 114

Шағын және орта бизнес қызметкерлері МӘМС пакетінен медициналық көмек алуы үшін олардың жұмыс берушілері 25 қаңтарға дейін әлеуметтік медициналық сақтандыру қорына жалдамалы қызметкерлері туралы ақпарат беруі тиіс. Бұл туралы «Әлеуметтік медициналық сақтандыру қоры» КеАҚ Алматы филиалында айтылды, деп хабарлайды ҚазАқпарат.

Өткен жылдың сәуір айында пандемияға байланысты салықтар мен әлеуметтік төлемдерден босатылған ШОБ нысандарының тізімі бекітілгені белгілі. 

Алғашында 1қазанға дейін берілген жеңілдік Үкіметтің №721 қаулысы негізінде жыл соңына дейін тағы ұзартылған болатын. 

Осының негізінде пандемиядан зардап шеккен бизнес нысандары міндетті медициналық сақтандыру жүйесіне аударылатын төлемдерден де 9 айға босатылды. 

Филиал директорының орынбасары Жанар Кенжебаеваның айтуынша, шағын және орта бизнес нысандары өз қызметкерлері туралы мәліметті 2020 жылдың шілдесінен бастап әр айдың 25-іне дейін тұрақты түрде жаңартып отыруы тиіс болатын. 

«Жалпы, Алматы қаласы бойынша жыл соңына дейін МӘМС төлеуден босатылған шағын және орта бизнес субъектілері – 116 604, оның ішінде 60 259-ы 2020 жылдың ішінде деректерді өзектендірді. Осылайша, бірқатар кәсіпорындардың жалдамалы қызметкерлері МӘМС жүйесінен тыс қалады. Сондықтан жұмыс берушілерге ШОБ қызметкерлерінің сақтандырылу мәртебесі бойынша жүргізіліп жатқан жұмыстың маңыздылығын түсіну және деректерді Қор сайтына енгізу маңызды» - деп түсіндірді Ж.Кенжебаева. 

Сонымен қатар, ол қызметкерлерді сақтандыру үшін не істеу керектігін айтты. 

«Ол үшін жұмыс беруші msb.fms.kz сайтына кіреді. Заңды тұлғаның немесе Жеке кәсіпкерлік нысанының ЭЦҚ көмегімен Қордың ақпараттық жүйесіне тіркеліп, пайдалану келісіміне қол қояды. Арнайы ұяшыққа жұмыскерлердің ЖСН енгізеді (тізімді Excel форматындағы бір файл арқылы немесе әр қызметкерді жеке-жеке енгізуге болады. Талап толық орындалған жағдайда қызметкерлердің МӘМС жүйесіндегі мәртебесі жарты сағатта расталады)», - деді ол.

0 пікір

Пікір қалдыру

Чтобы оставлять комментарий нужно зарегистрироваться или авторизироваться

Маңызды мақалалар

БАННЕР

Аймақтар жаңалықтары

Басқа да мақалалар