Синоптиктер кей өңірлерде температура -40 градусқа дейін жететіндігі жөнінде ескерту жариялады, деп хабарлайды ҚазАқпарат Қазгидрометке сілтеме жасап.
1, 2 ақпанда Солтүстік Қазақстан, Ақмола, Павлодар, Қарағанды облыстарында түнде ауа температурасы минус 27-32, кей жерлерде 35-40 градусқа дейін төмендеуі ықтимал.
2 ақпанда Шығыс Қазақстан облысында түнде ауа температурасы минус 28-33, кей жерлерде 37-42 градусқа дейін төмендеуі күтіледі.
31 қаңтарда Ақмола облысының кей жерлерінде бұрқасын соғады, солтүстік-шығыстан ескен желдің екпіні 15-20 м/с жетеді.
31 қаңтарда Астана қаласында таңертең және күндіз жаяу бұрқасын күтіледі, солтүстік-шығыстан соғатын желдің екпіні 15-20 м/с жетеді.
1527 рет оқылды
