16 қаң, 2022 сағат 14:34

Ақтөбе облысының әкімі отставкаға кетуі туралы петицияға қатысты пікір білдірді

Ақтөбе облысының әкімі отставкаға кетуі туралы петицияға қатысты пікір білдірді, - деп хабарлайды Tengrinews.kz тілшісі "Мой город" басылымына сілтеме жасап.

Журналистер Оңдасын Оразалинмен кездесу кезінде отставкаға кетуі туралы петицияға қол жиналып жатқанына қалай қарайтынын сұрады.

"Егер билікті шабуылдар арқылы бұзу мүмкін болмаса, адамдар оған ақпараттық шабуыл жасауға тырысады. Петицияға қол қою - біз одан өткенбіз. Тіпті Астанаға барғандар да болды, бірақ кадрлық шешімдерді Мемлекет басшысы қабылдайды. Мен бұл қызметте ол қаншалықты қажет деп санаса, сонша уақыт боламын", - деді Оразалин.

Оңдасын Оразалин әкімнің отставкаға кетуі туралы петицияны ойын деп атады. Оның пікірінше, Бестамақтағы шошқа базасының жұмысшылары әкім отставкаға кеткенін қалайды.

Айта кетейік, бір жылдан аса уақыт бұрын кент тұрғындары облыс басшысынан туындаған мәселелерді шешуге көмек сұраған - кәсіпорын түрлі экологиялық норманы бұзған, іс сотқа өтіп, миллиардтаған айыппұл салынған. Кәсіпорын мүлкі, оның ішінде жануарлар да тәркіленген, былтыр желтоқсанда олар сатыла бастады.