Фото: Видеодан скриншот
АҚШ билігі 300-ден аса студенттің визасын кері қайтарып алды. Себебі олар Израильге қарсы наразылық акцияларына қатысқан, деп хабарлайды 24.kz.
АҚШ мемлекеттік хатшысы Марко Рубио: «Бұл сөз бостандығын шектеу емес, вандализмге тосқауыл қою үшін қабылданған шешім», – дейді.
Айтуынша, ереуілге қатысушылар университет ғимараттарын бүлдірген. Дональд Трамп қызметіне кірісе салысымен антисемитизммен күрес туралы жарлыққа қол қойған еді.
Бұған дейін Ақ үй әкімшілігі Колумбия университетін қаржыландыруды тоқтатты. Білім беру мекемесі еврейлерге қарсы өшпенділікпен дұрыс күрес жүргізбегені үшін 400 миллион доллардан қағылды.
510 рет оқылды
