3 қаңтар күні Қазақстан аумағының басым бөлігінде көбіне жауын-шашынсыз ауа райы күтіледі. Еліміздің батысы мен шығысында қар жауады. Республиканың кей жерлерінде тұман, оңтүстік пен батыста желдің күшеюі, жаяу бұрқасын болжанады, деп хабарлайды "Ұлт ақпарат".
Атап айтқанда, «Қазгидромет» РМК мәліметінше, Жамбыл, Түркістан облыстарының кей жерлерінде тұман күтіледі, жел 15-20 м/с күшейеді. Түркістан облысында сондай-ақ жаяу бұрқасын болады.
Ақмола, Алматы, Атырау, Ақтөбе, Қостанай, Солтүстік Қазақстан, Павлодар, Шығыс Қазақстан, Батыс Қазақстан облыстарының кей жерлерінде тұман болады. Батыс Қазақстан облысында сондай-ақ жаяу бұрқасын болжанады.
Қызылорда облысында таңертең және күндіз кей жерлерде жел 15-20 м/с күшейеді.
Түнде Ақмола, Алматы, Павлодар, Қарағанды, Шығыс Қазақстан облыстарының кей жерлерінде қатты аяз күтіледі.
1263 рет оқылды
