قازاقستان رەسپۋبليكاسىنىڭ قارجىلىق مونيتورينگ اگەنتتٸگٸ جامبىل وبلىسى بويىنشا دەپارتامەنتٸ «ENVIDA AI» قارجى پيراميداسىن قۇرۋ جەنە وعان جەتەكشٸلٸك ەتۋ فاكتٸسٸ بويىنشا تەرگەۋ جٷرگٸزٸپ جاتىر, دەپ حابارلايدى ult.kz.
تەرگەۋ مەلٸمەتٸنشە, جوبا ۇيىمداستىرۋشىلارى WhatsApp مەسسەندجەرٸندە «ەnvida ai ەجەدنەۆنىي پاسسيۆنىي دوحود» جەنە «ەnvida ai سۋپەر نوۆىي پروەكت ەجەدنەۆنىي پاسسيۆنىي دوحود» اتتى توپتار اشىپ, ازاماتتارعا تۇراقتى ەرٸ جوعارى تابىس ۋەدە ەتكەن.
ۆەدومستۆونىڭ اقپاراتىنشا, جوبانىڭ ماركەتينگتٸك جٷيەسٸ كٶپدەڭگەيلٸ قاعيدا بويىنشا جۇمىس ٸستەگەن. ياعني نەگٸزگٸ تابىس جاڭا سالىمشىلاردى تارتۋ ارقىلى قالىپتاسىپ وتىرعان.
سونىمەن قاتار ۇيىمداستىرۋشىلار جوبانى ناقتى اكتيۆتەرگە ينۆەستيتسييا سالاتىن حالىقارالىق ەكوجٷيە رەتٸندە تانىستىرعان.
نەتيجەسٸندە قارجى پيراميداسىنا 370-تەن استام ادام تارتىلعان. قاتىسۋشىلار قاتارىندا اقتٶبە, اتىراۋ, قىزىلوردا, پاۆلودار, تٷركٸستان وبلىستارى مەن الماتى قالاسىنىڭ تۇرعىندارى بار.
قازٸرگٸ ۋاقىتتا تەرگەۋ امالدارى جالعاسۋدا. قىلمىستىق-پروتسەستٸك كودەكستٸڭ 201-بابىنا سەيكەس ٶزگە اقپارات جارييالانبايدى.
قازاقستان رەسپۋبليكاسىنىڭ قارجىلىق مونيتورينگ اگەنتتٸگٸ ازاماتتارعا كٷمەندٸ قارجى ۇيىمدارىنا اقشا سالماۋعا جەنە ساق بولۋعا كەڭەس بەردٸ.
سونداي-اق اگەنتتٸك ٸسكە قوسقان Baiqa, piramida! Telegram-بوتى ارقىلى قارجى پيراميدالارىنىڭ بەلگٸلەرٸن تەكسەرۋگە بولاتىنى ايتىلدى.
