Qazaqstan Respýblikasynyń Qarjylyq monitoring agenttigi Jambyl oblysy boiynsha departamenti «ENVIDA AI» qarjy piramidasyn qurý jáne oǵan jetekshilik etý faktisi boiynsha tergeý júrgizip jatyr, dep habarlaidy ult.kz.
Tergeý málimetinshe, joba uiymdastyrýshylary WhatsApp messendjerinde «Envida ai ejednevnyi passivnyi dohod» jáne «Envida ai sýper novyi proekt ejednevnyi passivnyi dohod» atty toptar ashyp, azamattarǵa turaqty ári joǵary tabys ýáde etken.
Vedomstvonyń aqparatynsha, jobanyń marketingtik júiesi kópdeńgeili qaǵida boiynsha jumys istegen. Iaǵni negizgi tabys jańa salymshylardy tartý arqyly qalyptasyp otyrǵan.
Sonymen qatar uiymdastyrýshylar jobany naqty aktivterge investitsiia salatyn halyqaralyq ekojúie retinde tanystyrǵan.
Nátijesinde qarjy piramidasyna 370-ten astam adam tartylǵan. Qatysýshylar qatarynda Aqtóbe, Atyraý, Qyzylorda, Pavlodar, Túrkistan oblystary men Almaty qalasynyń turǵyndary bar.
Qazirgi ýaqytta tergeý amaldary jalǵasýda. Qylmystyq-protsestik kodekstiń 201-babyna sáikes ózge aqparat jariialanbaidy.
Qazaqstan Respýblikasynyń Qarjylyq monitoring agenttigi azamattarǵa kúmándi qarjy uiymdaryna aqsha salmaýǵa jáne saq bolýǵa keńes berdi.
Sondai-aq agenttik iske qosqan Baiqa, piramida! Telegram-boty arqyly qarjy piramidalarynyń belgilerin tekserýge bolatyny aityldy.
