Búgin Aqordada mádeniet jáne óner qyzmetkerlerin marapattaý rásimi ótti. Is-shara barysynda Memleket basshysy Qasym-Jomart Toqaev ult óneriniń damýyna eleýli úles qosqan birqatar azamattarǵa páter kiltin tabystady, dep habarlaidy ult.kz.
Prezidenttiń aitýynsha, bul bastama mádeniet salasy ókilderine kórsetilip otyrǵan áleýmettik qoldaýdyń bir bóligi.
— Búgin men ult ónerine eleýli úles qosyp júrgen birneshe azamatqa páter kiltin tabystaimyn. 2024 jyldan beri mádeniet jáne óner qairatkerlerine jalpy sany 200 páter berildi. Bul igi úrdis aldaǵy ýaqytta da jalǵasyn tabady. Barshańyzǵa qutty bolsyn! Tól ónerimiz órkendei bersin, ult mádenietiniń mártebesi árdaiym biik bolsyn, — dedi Qasym-Jomart Toqaev.
Aita keteiik, buǵan deiin Prezident dástúrli ónerdi dáriptep júrgen ónerpazdardy qoldaý maqsatynda «Asyl mura» ulttyq syilyǵyn taǵaiyndaý týraly da málimdegen bolatyn. Syilyq Memleket basshysynyń Jarlyǵymen laiyqty mádeniet jáne óner qairatkerlerine tabystalmaq.
