Qazaqstanda jyl saiyn 21 mamyr kúni Mádeniet jáne óner qyzmetkerleriniń kúni atap ótiledi. Bul kásibi mereke el rýhaniiatyna qyzmet etip júrgen mádeniet salasy mamandarynyń eńbegin baǵalaý maqsatynda bekitilgen, dep habarlaidy ult.kz.
Atalǵan mereke 2013 jyldan beri resmi túrde toilanyp keledi. Osy kún aiasynda teatr, mýzei, kitaphana, arhiv, mádeniet úileri men óner uiymdarynda eńbek etetin qyzmetkerlerge qurmet kórsetilip, úzdikter marapattalady.
Mádeniet pen óner – ulttyń rýhani tiregi, tarihi jady men bolmysyn saqtaityn mańyzdy sala. Qazaq mádenietin damytýǵa úles qosyp júrgen óner ieleri men shyǵarmashylyq mamandar qoǵamnyń rýhani damýyna yqpal etip keledi. Teatr sahnasynda óner kórsetip júrgen akterlerden bastap, aýyldyq kitaphanashylarǵa deiingi mádeniet salasynyń ókilderi ulttyq qundylyqtardy nasihattaýda mańyzdy ról atqarady.
Sońǵy jyldary elimizde mádeniet salasyn qoldaýǵa baǵyttalǵan túrli bastamalar júzege asyrylyp jatyr. Teatrlar jańǵyrtylyp, mýzeiler men kitaphanalardyń jumysy tsifrlandyrylýda. Sonymen qatar jas ónerpazdardy qoldaý, ulttyq ónerdi halyqaralyq deńgeide tanytý baǵytyndaǵy jobalar da kóbeigen.
Mádeniet jáne óner qyzmetkerleriniń kúnine orai elimizdiń ár óńirinde kontsertter, kórmeler, shyǵarmashylyq kezdesýler men merekelik is-sharalar uiymdastyrylady.
Bul kún – mádeniet maitalmandarynyń qoǵamdaǵy ornyn aishyqtap, olardyń eńbegine alǵys bildiretin erekshe data.
