Elordadaǵy LRT isi boiynsha alǵashqy sot otyrysy 29 qazanda ótetin boldy, dep habarlaidy "Ult aqparat" Nur-Sultan qalalyq sotynyń baspasóz qyzmetine silteme jasap.
«LRT qurylysyna qatysty qarajatty jymqyrý boiynsha alǵashqy sot otyrysy 29 qazan kúni saǵat 10.00-de bastalady. Sottalýshylar retinde qalanyń Jolaýshylar kóligi jáne avtokólik joldary basqarmasynyń bastyǵy Rashid Amanjolov, burynǵy depýtat ári máslihat hatshysy Janat Nurpeiisov, «Astana Innovations» AQ burynǵy basshysy Talǵat Áshim, sonymen qatar ártúrli kásiporyndardyń qyzmetkerleri Ulyqbek Áshimov, Timýr Qasabaev, Dýlat Músenov pen Dáýren Ábdizhamitov jaýap beredi», - dep habarlaidy sottan.
Eske sala ketsek, osy aidyń basynda Sybailas jemqorlyqqa qarsy is-qimyl agenttiginiń 1-shi departamentiniń asa mańyzdy ister jónindegi tergeýshisi Daniiar Bekaidarov «Astana LRT» kompaniiasy boiynsha is sotqa joldanǵanyn habarlaǵan edi.
«Sybailas jemqorlyqqa qarsy qyzmet jeńil relsti kólik jobasyn iske asyrý kezinde 5,8 mlrd teńgeni jymqyrý faktisi boiynsha Nur-Sultan qalasy ákimdiginiń, «Astana LRT» JShS jáne basqalardyń laýazymdy adamdaryna qatysty qylmystyq isti aiaqtap, sotqa joldady. Sotqa 7 adam berildi. Q.Sultanbekov jáne T. Ardan «kúzetpen ustaý» bultartpaý sharasymen halyqaralyq izdeýde», - dedi ol onlain-brifingte.
