Germaniia biligi Qazaqstannyń burynǵy bas kólik prokýrory Maqsat Dúisenovti ekstraditsiialaýdan bas tartty. Bul aqparatty Qazaqstannyń Qazaqstan Bas prokýratýrasy rastady, dep habarlaidy ult.kz.
Vedomstvo málimetinshe, Maqsat Dúisenovti Qazaqstanǵa qaitarý máselesi 2025 jyldyń qazan aiynan bastap qaralǵan. Alaida Germaniia tarapy kúdiktini berýden bas tartqanymen, onyń naqty sebebin túsindirmegen.
Soǵan qaramastan, Bas prokýratýra Dúisenovke halyqaralyq izdeý toqtatylmaǵanyn jáne qylmystyq qýdalaý jalǵasyp jatqanyn habarlady. Qazirgi ýaqytta istiń barlyq mán-jaiyn anyqtaý úshin, sonyń ishinde sheteldik quqyq qorǵaý organdarymen birlesken jumystar júrgizilip jatyr.
Eske salsaq, 2025 jyldyń tamyzynda Almaty qalasynyń Almaly aýdandyq politsiiasy prokýratýra bastamasymen Maqsat Dúisenovke izdeý jariialaǵan bolatyn. Kóp uzamai onyń burynǵy basshysy, eks-bas prokýror Qairat Qojamjarovqa qatysty da tergeý bastalǵany belgili boldy.
Tergeý materialdaryna sáikes, Qojamjarovqa laýazymdyq ókilettigin asyra paidalaný jáne qylmystyq jolmen alynǵan qarajatty zańdastyrý derekteri boiynsha kúdik keltirilgen.
Al 2025 jyldyń qyrkúieginde Germaniianyń quqyq qorǵaý organdary Maqsat Dúisenovti óz aýmaǵynda ustaǵan edi.
Aita keteiik, Maqsat Dúisenov 2018 jyly sol kezdegi Bas prokýror Qairat Qojamjarovtyń buiryǵymen bas kólik prokýrory qyzmetine taǵaiyndalǵan. Ár jyldary Qazaqstan Qaýipsizdik keńesi men Sybailas jemqorlyqqa qarsy is-qimyl ulttyq biýrosynda jaýapty qyzmetter atqarǵan.
