Бұл туралы өңірлік коммуникациялар қызметінде өткен баспасөз мәслихатында жолаушылар көлігі және жол қозғалысын ұйымдастыру басқармасының басшысы Ержан Диханбаев мәлімдеді, деп хабарлайды ult.kz Qazaqstan арнасына сілтеме жасап.
Қазір LRT желісінің техникалық-экономикалық негіздемесі мемлекеттік сараптамадан өтіп жатыр. Алматыда салынатын алғашқы LRT желісі Төле би көшесі арқылы өтіп, Абылай хан даңғылы бойымен Алматы-2 вокзалына дейін барады. Сондай-ақ желі Момышұлы көшесі арқылы Алатау ауданындағы Индустриялық аймаққа дейін созылады. Алғашқы желінің ұзындығы 18,3 шақырымды құрайды.
Сонымен қатар биыл №96 және №130 жаңа автобус бағыттары ашылса, алдағы уақытта «Әуезов-сити» шағынауданында жаңа маршрут іске қосылады. Веложолдар желісі кеңейтіліп, ақылы автотұрақ орындары көбейеді.
