Жаңадан құрылған Жетісу облысының әкімі тағайындалды, - деп хабарлайды "Ұлт ақпарат" Ақорда сайтына сілтеме жасап.
"Бейбіт Өксікбайұлы Исабаев Жетісу облысының әкімі лауазымына тағайындалсын, оның Қазақстан Республикасы Парламенті Сенатының депутаттық өкілеттігі тоқтатылсын", - делінген Президент Жарлығында.
Бейбіт Исабаев 1962 жылы 4 желтоқсанда дүниеге келген.
Ол 1985 жылы С.М. Киров атындағы қазақ мемлекеттік университетін журналист мамандығы бойынша бітірген. Ал 1999 жылы Қазақстан Республикасы Сыртқы істер министрлігінің дипломатиялық академиясын халықаралық маман деген мамандық бойынша тәмамдаған.
Еңбек жолын 1985-1987 жылдары Қазақ ССР-ның теле-радио көрсетілім жөніндегі мемлекеттік комитетінің редакторы қызметінен бастаған.
1987-1991 жж. - «Лениншіл Жас» республикалық газетінің тілшісі, бөлім меңгерушісі. 1991-1994 жж. - «Өркен», «Горизонт» газеттері редакторының орынбасары, редакторы.
1994-1995 жж. - Қазақ мемлекеттік телевидениясының бас директоры, Алматы қаласы әкімшілігі басшысының орынбасары, басшысы, Алматы қаласы әкімдігі ішкі саясат комитетінің төрағасы.
1995-1997 жж. – Алматы қаласы әкімінің орынбасары.
1997-1999 жж. – Қазақстан Республикасы Сыртқы істер министрлігі дипломатиялық академиясының тыңдаушысы. 1999-2000 жж. - Қазақстан Республикасы Сыртқы істер министрлігі әкімшілігі департаментінің директоры. 2000-2002 жж. – Қазақстан Республикасы Премьер-министрі кеңсесінің үкіметтік ақпарат бөлімінің меңгерушісі, Қазақстан Республикасы Сыртқы істер министрінің кеңесшісі, Қазақстан Республикасы Сыртқы істер министрінің ерекше тапсырмалар жөніндегі елшісі.
2002-2003 жж. - «Орта Азиялық ынтымақтастық» ұйымдастыру мәселелері бойынша Қазақстан Республикасының ұлттық үйлестіруші. 2003-2006 жж. – Қазақстан Республикасының Пәкістан Ислам Республикасындағы төтенше және өкілетті елшісі.
2006-2008 жж. - Қазақстан Республикасының Түркия Республикасындағы төтенше және өкілетті елшісі, Қазақстан Республикасының Албания Республикасындағы төтенше және өкілетті елшісі және Қазақстан Республикасы мәдениет және ақпарат вице-министрі қызметін қоса атқарған.
2008-2009 жж. - Қазақстан Республикасы Президентінің баспасөз хатшысы.
2009-2015 жж. - Қазақстан Республикасының Қырғыз Республикасындағы төтенше және өкілетті елшісі. 2015-2019 жж. - Қазақстан Республикасының Әзербайжан Республикасындағы төтенше және өкілетті елшісі.
2019 жылы Қазақстан Республикасы Президентінің Парламенттегі Өкілдігі басшысы қызметін атқарды. 2022 жылдың қаңтарынан ҚР Сенатының депутаты болды.
944 рет оқылды
