Әлеуметтік желіде Алматыдағы "Алатау" метростанциясында шыққан түтіннің видеосы жарияланды, - деп хабарлайды Tengrinews.kz тілшісі.
kris.p.almaty парақшасында "метрода бір нәрсе жанып жатыр" деген жазбасы бар видео пайда болды. Видеода поезд тоқтап, жолаушылар оның себебін білмей жатқаны көрінеді.
Қалалық метрополитеннің баспасөз қызметі пневматикалық тежеу іске қосылғанын хабарлады.
"Пневматикалық тежеу жүйесі іске қосылған кезде тежегіш қатты қызып кетті. Қазір нақты себеп анықталып жатыр, ол электродепоға жіберілді", - деп түсіндірді метро қызметкерлері.
Кесте бойынша өзгеріс жоқ, Алматы метросы қазір штаттық режимде жұмыс істеп жатыр.
963 рет оқылды
