28 сәу, 2023 сағат 16:21

Жаңаөзендегі жарылыстан зардап шеккен екі адам қайтыс болды

Фото: ҚР ТЖМ баспасөз қызметі

Жаңаөзендегі жарылыстан зардап шеккен екі адам қайтыс болды, - деп хабарлайды "Ұлт ақпарат" mangystaumedia.kz порталына сілтеме жасап.

Маңғыстау облыстық көпсалалы ауруханасына ауыр халде жеткізілген екі науқас, яғни 1972 және 1977 жылы туған ер адамдар қайтыс болды.

"Зардап шеккендерге барлық қажетті көмек көрсетілді. Өкінішке қарай, дәрігерлер оларды аман алып қала алмады. Олардың жағдайы өте ауыр болды. Барша туысы мен жақынына қайғысына ортақтасып көңіл айтамыз", - деді облыстық аурухананың баспасөз қызметі өкілі.

Еске салайық, 17 сәуір таңғы сағат бесте Жаңаөзенде 12 пәтерлі екіқабатты тұрғын үйде жарылыс болды. Болжам бойынша, газ қоспасы жарылған. Салдарынан кіреберістің 150 шаршы метрі қирады.

Қайғылы оқиға төрт адамның – екі әйел, бір бала және бір ер адамның өмірін қиды.

Үйде 12 пәтер болды, оның төртеуі қирап қалды. Кейін "ҚазМұнайГаз" ұлттық компаниясы баспанасыз қалған 9 отбасыға пәтер берілгенін хабарлады.