10 там, 2020 сағат 07:22

Жаңаөзенде деструктивті діни ағымды ұстанатын 2 тұрғын ұсталды - ҰҚК

ҰҚК қаруды заңсыз жасау және өткізу ісін тергеу барысында деструктивті діни ағымды ұстанушы еік Жаңаөзен тұрғынын ұстады, деп хабарлайды "Ұлт ақпарат" комитеттің баспасөз қызметіне сілтеме жасап.

«7 тамызда Ұлттық қауіпсіздік комитеті атыс қаруын заңсыз жасау және өткізу фактісі бойынша сотқа дейінгі тергеу барысында Маңғыстау облысы Жаңаөзен қаласының деструктивті діни ағымды ұстанушы 2 тұрғынды ұстады. 

Тінту барысында айғақ заттар табылып, тәркіленді. Оның ішінде екі автомат, үш тапанша, дыбыссыз атуға арналған құрылғы, сондай-ақ оқ-дәрі бар. 9 тамызда сот күдікті адамдарды қамауға санкция берді», делінген хабарламада.

Комитет баспасөз қызметінің мәліметінше, қазір тергеу фигуранттардың экстремистік сипаттағы қылмыстарға қатысы тексеріліп, істің өзге де мән-жайы анықталып жатыр.