видео кадры
Бишімбаевтың адвокаты "За Салтанат" және "Пожизненно" деген жазуы бар киім киген адамдарды сот залынан шығаруды сұрады, - деп хабарлайды «Ұлт ақпарат» Tengrinews.kz-ке сілтеме жасап.
Қуандық Бишімбаевқа қатысты сот отырысында сотталушының адвокаты Ерлан Ғазымжанов өтініш білдірді.
"Сот залында киімінде "За Салтанат" және "Пожизненно" деген жазуы бар адамдар отыр, олар алқабилерге қарама-қарсы отырады және оларға әсер етуі мүмкін" - деді қорғаушы.
Өз кезегінде жәбірленуші тараптың адвокаттары адамдардың өз пікірін айтуға құқығы бар екенін және оларды сот залынан шығару олардың құқығын бұзатынын айтты. Прокурор мұнымен келісті.
Судья Айжан Құлбаева өтінішті қанағаттандырудан бас тарту туралы шешім қабылдады.
419 рет оқылды
