Бүгін Астанада Владимир Путиннің Қазақстан Президенті Нұрсұлтан Назарбаевпен келіссөздері өтеді. Бұл туралы РФ президентінің сайтында хабарланды.
Нұрсұлтан Назарбаев пен Владимир Путин Қазақстан мен Ресей қарым-қатынасы, Еуразиялық экономикалық одақ және өзге аймақтық бірлестік аясындағы ықпалдастықтың өзекті мәселелерін талқылайды.
Нұрсұлтан Назарбаев бүгін Астанада өтетін «Еуразия кеңістігінің көлік-логистикалық әлеуетін дамыту» атты Қазақстан мен Ресей өңіраралық ынтымақтастығы XIII форумының пленарлық отырысына қатысады.
Іс-шара аясында Мемлекет басшысының Ресей Федерациясы Президентімен екіжақты кездесуі, сондай-ақ олардың Қазақстан-Ресей бизнес-форумына қатысуы жоспарланып отыр.
2362 рет оқылды
