Фото: ашық дереккөз
Жезқазған қалалық соты қаржылық пирамидасымен байланысты қызметті ұйымдастырып, 22 азаматқа жалпы сомасы 27 млн теңгеге шығын келтірген үшін қала тұрғынын кінәлі деп таныды, деп хабарлайды Ult.kz.
2024 жылдың наурыз мен желтоқсан айлар аралығында ол компания кеңсесінде кездесулер өткізіп, жаңа қатысушыларды тіркеумен, компания жүйесінде аккаунттар құрумен және «Telegram» мессенджері арқылы үгіт материалдарын таратумен айналысқан.
Аталған қызмет азаматтарды электронды валютаға инвестиция салу және бонустар алу сылтауымен жүйеге тартуға бағытталған.
Сот үкімімен кінәлі адамға 5 жыл бас бостандығын айыру жазасы тағайындалды. Үкім заңды күшіне енген жоқ.
499 рет оқылды
