Фото: Gov.kz.
Орталық
коммуникациялар қызметінде облыстың
әлеуметтік-экономикалық дамуы туралы есеп беру барысында Түркістан облысының
әкімі Дархан Сатыбалды мәлімдеді, деп хабарлайды ult.kz.
– Түркістан облысы республикада мақта өсіретін жалғыз аймақ. Биыл 106 мың гектарға мақта егілді. Дегенмен, дәстүрлі әдісті қолданғандықтан оның өнімділігі де төмен болып отыр. Енді заманауи суды үнемдеу технологияларын қолдана отырып, мақтаның элиталық сорттарын өсіруді және шикізатты терең өңдеуді қамтитын мақта-тоқыма кластерін құру қолға алынды. Яғни, мақта өсіруден бастап жіп, мата және киім сияқты дайын тоқыма өнімдерін өндіруге дейін қамтылады. Түркістан қаласында мақтаны терең өңдейтін ірі зауыттың құрылысы басталды. Жоба құны - 147 млрд. теңге. Зауытта 4 000-нан астам жұмыс орны ашылады, – деді Дархан Сатыбалды.
Өңірде мақта
кластерінде 9 жобаны іске асыру жоспарланып отыр. Толық іске қосылғанда 40
мыңнан астам жұмыс орны құрылып, 50 мың тоннаға жуық дайын өнім өндіріледі.
Бюджетке миллиардтаған салық түседі. Мақта өнімділігі 3 есеге дейін артып
өнімділік көрсеткіші гектарына 70 центнерге жетеді деп межеленеді.
372 рет оқылды
