Фото: Видеодан скрин
Түркістан облысы Сайрам ауданы Ақсукент ауылында ер адам сүйіктісін өлтірді деген ақпарат тарады, деп хабарлайды «Ұлт ақпарат» Stan.kz -ке сілтеме жасап.
Желіде тараған ақпаратқа сай, қыз бен жігіт бір жылға жуық кездесіп жүрген. Тіпті той күнін белгілеп қойған. Жігіт қызды күнде жұмысынан алып қайтып, үйіне жеткізіп жүрген. Ол 30 маусым күні кешкі сағат 18:30-да қызды жұмысынан алып, бірден өз үйіндегі көлікжайға кірген. Одан кейін не болғаны белгісіз. Сарапшылардың талдауына сай, қыз 20:30-да қайтыс болған.
Toyota Land Cruiser Prado көлігінің салонында 19 жастағы З сүйіктісі Э-ні ұрып-соққан. Қыз соққылардан көз жұмған. Алайда қылмыстың нақты себебі хабарланған жоқ.
Түркістан облысы полиция департаментіне хабарласып, аталған оқиғаның мән-жайын білдік.
“Аса ауыр қылмыс жасады деген күдікті ұсталып, уақытша ұстау изоляторына қамауға алынды. Қылмыстық іс қозғалды. Барлық қажет сараптама тағайындалды. Болған оқиғаның толық мән-жайы анықталып жатыр”, – делінген хабарламада.
789 рет оқылды
