#
#
Сенбі 23/01/2021

Тұңғыш Президент күні: Алматы облысының Қаратал ауданында 50 отбасы баспаналы болды

  • 01.12.2020
  • 0
  • 234

Алматы облысының Қаратал ауданында 50 отбасы баспаналы болды, - деп хабарлайды ҚазАқпарат.

Бүгін Тұнғыш Президент күнінде Үштөбе қаласының Шаңырақ шағын ауданында жəне Көкдала көшелерінде орналасқан көпқабатты және жеке тұрғын үйлер пайдалануға берілді.

Салтанатты шараға аудан әкімі Қайрат Найманбайұлы мен аудандық маслихат хатшысы Бақыт Жексембіұлы қатысып, 50 отбасына пәтер кілтін табыстады.

Республикалық бюджеттен бөлінген 223 млн 972 мың теңге, облыстан бөлінген 95 млн 799 мың теңгеге Шаңырақ шағын ауданындағы отыз пәтерлі тұрғын үй салынды. 2019 жылдың қарашасынан бастап Үштөбе қаласындағы Көкдала шағын ауданында 20 жалға берілетін жеке тұрғын үй «Қолқанат құрылыс» ЖШС-мен келісімшарт жасалып, республикалық бюджеттен 180 млн 404 мың, облыстық бюджеттен 100 млн 432 мың бөлініп, биыл құрылысы толықтай аяқталды. Аталған үй аудан бойынша кезекте тұрған мұқтаж азаматтарға берілді.

«Мерекедегі жаңа қоныстарыңыз құтты болсын!. Мемлекеттің осындай игі істері алдағы уақытта да жалғасын табатын болады»,- деді аудан әкімі.

0 пікір

Пікір қалдыру

Чтобы оставлять комментарий нужно зарегистрироваться или авторизироваться

Маңызды мақалалар

БАННЕР

Аймақтар жаңалықтары

Басқа да мақалалар