20 жел, 2016 сағат 08:53

Цюрихте қарулы адам оқ атып, үш кісіні жаралады

Цюрихтің орталығындағы шабуыл болған ислам орталығы маңына жеткен жедел жәрдем көліктері. Швейцария, 19 желтоқсан 2016 жыл.

Швейцарияның Цюрих қаласында белгісіз ер адам ислам орталығында оқ атып, үш адамды жаралады. Оқиға 19 желтоқсан күні кешке жақын болды.

Жергілікті ақпарат құралдарының хабарлауына қарағанда, шабуылдаған адам оқиға орнынан бой тасалап үлгерген. Шабуыл болған жерді полиция қоршауға алған. Полиция шабуылға күдіктіні іздеуге кірісті.

Күдіктінің кім екені, шабуылдың қандай пиғылмен жасалғаны әзірге белгісіз.