Фото: EDaily.com
АҚШ-тың бұрынғы президенті Дональд Трамп Украинада жаңа сайлау өткізу қажеттігін мәлімдеді. Бұл туралы New York Post басылымына сілтеме жасаған Ult.kz хабарлайды.
"Украинада сайлау өтпей келеді, ал қазіргі жағдай әскери ахуалмен шектеліп отыр", — деді Трамп Сауд Арабиясында ресейлік шенеуніктермен келіссөздерден кейін Мар-а-Лагода өткен баспасөз мәслихатында.
Трамптың айтуынша, Зеленский 2019 жылы президент болып сайланғанымен, оның қазіргі мақұлдау рейтингі небәрі 4 пайызды құрап отыр.
Украинадағы президенттік сайлау 2024 жылдың сәуірінде өтуі тиіс еді, бірақ елде 2022 жылдың ақпанынан бері енгізілген әскери жағдайға байланысты ол өткізілмеді. Зеленский 2023 жылы қорғанысқа күш жұмсау қажет болғандықтан, сайлау өткізу елде саяси қайшылықтарға әкелуі мүмкін екенін айтқан еді.
Трамптың риторикасы соңғы аптада өзгеріп, ол Зеленскийді АҚШ-тан бөлінген қаражатты тиімсіз пайдаланды деп айыптады.
"Берілген миллиардтаған доллар қайда? Бұл туралы есепті ешқашан көрген емеспін", — деді Трамп.
Сонымен қатар, Трамп Украинаның Ресеймен қақтығысты бастағанын атап өтті.
"Бізде бұл соғыс ешқашан болмауы керек еді, бірақ оған жол берілді", — деді ол.
Сауд Арабиясында АҚШ пен Ресей делегацияларының бейбіт келіссөздері өтті. Келіссөздер барысында санкцияларды алып тастау мәселесі талқыланбағаны белгілі болды. Украина өкілдері кездесуге қатыспады.
Зеленский бұл ұсыныстарды Ресейдің ультиматумы ретінде қабылдап, жаңа сайлау өткізуді сынға алды.
582 рет оқылды
