Теміртау қаласының Жастар ресурстық орталығы демеушілермен бірлесіп вакцинацияланған қала тұрғындары арасында төрт iPhone және бағалы сыйлықтар ұтыс ойынын іске қосты, деп хабарлайды "Ұлт ақпарат".
Ұтыс ойынына қатысу үшін 2–30 тамыз аралығында коронавирусқа қарсы вакцинаның бірінші компонентін алу керек.
«Төрт iPhone 11 және басқа да құнды сыйлықтардың ұтыс ойыны қала тұрғындарын вакцинациялауға ынталандыру үшін өткізіледі. Қазір елімізде және біздің өңірде эпидемиологиялық жағдай күрделі екені баршаға мәлім. Тек вакцинация ғана бізге өзімізді қауіпсіздендіруге және пандемияны жеңуге көмектеседі. Біз азаматтарды вакцинациядан өтуге және біздің ұтыс ойынына қатысуға шақырамыз», – деп атап өтті Теміртау жастар ресурстық орталығында.
Алғашқы iPhone 2–8 тамыз аралығында вакцина алғандар үшін ойнатылады.
Екінші телефонды 9–15 тамыз аралығында вакцинацияланған адам алады. 16–22 тамыз аралығында вакцинацияланған үшінші гаджетті сыйлыққа алады. Төртінші телефон 23–29 тамыз аралығында вакцинация пунктіне барып, екпе алған Теміртау қаласының тұрғынына беріледі.
«Жүлде иегері болу үшін вакцинация пунктін таңдап, вакцинация жасап, 9, 16, 23 және 30 тамыз күндері ұтыс нәтижелерін күту керек. Жеңімпаздар кездейсоқ таңдау әдісімен анықталады», – деді Теміртау жастар ресурстық орталығында.
767 рет оқылды
