Тәуелсіздік күні қарсаңында елорданың 3 көрікті жерінде отшашу болады.
Бұл ақпаратты Нұр-Сұлтан қаласы әкімдігінің баспасөз қызметі растады, деп хабарлайды ҚазАқпарат.
«ҚР Тәуелсіздік күнін мерекелеу аясында 15 желтоқсанда демеушілердің қаражаты есебінен мерекелік салют қойылады. Отшашу кешкі сағат 21.00-де 3 жерде болады:
1. Ботаникалық бақ;
2. Атырау көпірінен солтүстікке қарай Есіл өзенінің сол жағалауы;
3. Ақбұлақ өзенінің солтүстік жағы (Пушкин көшесі мен Абылай хан даңғылының қиылысы)», - деп жазылған баспасөз қызметі берген мәліметте.
Айта кетейік, осы аптада елорданың мәдениет мекемелері Тәуелсіздіктің 30 жылдығына орай 40-тан астам түрлі іс-шара өткізеді.
Өнер ұжымдарынан бөлек елорда кітапханалары көрмелер мен тарих сағаттарын, онлайн-суреттер байқауын, ақындар сайысын өткізеді. Барлық жоспарланған іс-шаралар санитарлық нормалар мен карантин талаптарын қатаң сақтай отырып жүргізіледі.a
867 рет оқылды
