15 қар, 2016 сағат 11:08

«Тәуелсіз Қазақстан» пойызы: Өтініштер ескерусіз қалмайды

«Тәуелсіз Қазақстан» пойызы республикалық акциясы барысында тұрғындардың өтініш-тілектері мұқият тыңдалып, мәселелерді шешу жолдары жан-жақты қарастырылды

Қазақстан халқы Ассамблея­сы­ның бастамасымен ұйым­дастырылған «Тәуелсіз Қазақстан» пой­ызы Қызылжар өңіріне түн­де­летіп келді. Уақыттың кештігі мен қарашаның қара суығына қарамас­тан, перронда қарсы алушылардың қарасы қалың болды. Пойыз жолаушыларына нан мен тұз ұсынылып, шашу шашылып, үрлемелі оркес­т­р­­­дің сүйемелдеуімен екпінді әуен ойналды.

Вокзал басында өткен митингіде сөйлеген сөзінде облыс әкімінің бірінші орынбасары А.Сапаров егемендік алған жылдар ішінде Елбасының сарабдал саясатының арқа­сында Қазақстан әлеуметтік-эко­номикалық, басқа да салалар бо­йын­ша жоғары жетістіктерге жет­кенін, әлем таныған іргелі мемле­кет­ке айналғанын, ұлтаралық, кон­­фессияаралық татулық, қо­ғамдағы түсіністік басты құн­ды­­­лықтарымыздың бірі болып та­­бы­л­атынын атап көрсетті. Ал по­йыз штабының жетекшісі Ә.Әлпейісов жиналған көпшілікке арна­ған сөзіне қазақстандықтар үшін ұлық мерекенің орны бө­лек екенін арқау ете отырып, ел ішіне сапарға шыққан «Тәуел­сіз Қазақстан» пойызының мән-мақсатын бөле-жара айтты. Шара­ның басты мақсаты–Қазақстан Республикасының Тұң­ғыш Президенті Нұрсұлтан Назар­баевтың басшылығымен өз даму жолын тапқан Қазақстанның табыстарын паш ету, «Мәңгілік Ел» идеясын жан-жақты түсіндіру, өскелең ұрпақты отансүйгіштік, ізгілік қасиеттерге тәрбиелеу, түрлі мәдени шаралар шеңберінде мәдени қазыналарымызды дәріптеу, сонымен қатар, дәрігерлік, әлеуметтік мұқтаждықтарды шешуге көмек­тесу.

11 күннің ішінде 17,5 мың адам қамтылып, төрттен біріне меди­ци­налық көмектер беріліпті. Солтүстікқазақстандықтар атынан сөз алған Петропавл қалалық ардагерлер кеңесінің төрағасы Г.Кухарь, М.Қозыбаев атындағы Сол­түстік Қазақстан мемлекеттік университетінің студенті Н.Нади­ров­ мұндай акциялардың қо­ғам­­­ды біріктірушілік, ұлттарды жа­қындастырушылық, ізгі мақ­сат­тарға ұмтылдырушылық, қиын­дықтарды бірігіп еңсеру маңызына тоқталды.

Достық үйінде Қазақстан хал­қы Ассамблеясы Қоғамдық келі­сім кеңесінің кеңейтілген отыры­сы өтті. Онда қоғамдық мәні бар жайлар көбірек қозғалды. Мә­се­лен, Ф.Литфуллин Пестрое көліне қатысты шетін мәселені қоршаған орта мен экологиядан бөле-жарауға қарауға болмайтынын, В.Ремба Белое елді меке­ніндегі жолды жөндеу қажет­тігін, Ж.Тәжин инклюзивті оқыту­дың ұлт­тық стандарттарын қалып­тас­­тастыру мүмкіндіктерін, Р.Самаев «Дипломмен–ауылға!» бағ­­­­­дарламасы аясында өзге өңір­л­ер­­­дің біріне барып, жұмыс істеу­­ге көмек көрсетуді алға тарт­ты­. Сондай-ақ, С.Хасеновтің, Н.Протоповтың, Е.Нетесованың же­­ке бас мәселелеріне қатысты тиіс­­ті орындарға нақты тасырмалар берілді.

Этномәдени бірлестіктер, бі­лім беру, денсаулық сақтау, шығар­машылық зиялы қауым, жастар, үкіметтік емес ұйымдар өкілдерінің қа­тысуымен Елбасының сая­сат­­керлік, көшбасшылық рө­лін, Тәуелсіздігіміздің, мемлекет­ті­лі­­гі­міздің даму орнын айғақ­тай­­тын, «Қазақстан-2050» Стра­те­гия­­сының, «Мәңгілік Ел» идея­сы­ның, «100 нақты қадам» Ұлт жос­пары­ның негізгі қағидат­та­­рын түсіндіруге арналған лекция­лар оқылды. Сол сияқты «Тәуел­сіздік тарихы–ұлт рухының өлшемі», «Мәңгілік Ел–болашағы біртұтас ұлттың рухани негізі», «Бейбітшілік пен келісім үлгісі–Қазақстан бренді» тақырыптары аясында өткен кездесу-жүздесулердің де танымдық-тағылымдық мәні зор болды.

Жастар сарайында ұйымдасты­рыл­ған «Жақсылық жаса!» қай­ырым­дылық акциясы бүлдір­шін­дер­ге арналып, оған шығар­машылық ұжымдар, аниматор­лар, жәрмеңкешілер белсене қатысты. Қызықты ойындар ұйым­­дастырылып, тауарлар мен қол­өнер бұйымдарын сату­дан түс­кен қаражат туабітті дім­кәс­тік­ке ұшыраған А.Куриев пен И.Зологиннің ем-домына жұмса­латын болды.

Бұл күні ақ халатты абзал жан­дарда еш тыным болған жоқ. Олар бірнеше топқа бөлініп, облыс орталығы мен Қызылжар ауданын­дағы емханаларда медициналық қыз­мет көрсетті. Дәрігерлердің қа­был­дауына келген адамдар толыққанды тексерілуден өтіп, кеңестер алды. Биғайша де­ген кейуана немерем екеуміз бі­лік­ті дәрігерлерге көрініп, денсау­лы­ғымызды қаратып алдық. «Апалап» құрақ ұшқан пейілдеріне ризамыз, десе, Анатолий есімді кәсіпкер шағын және орта бизнес саласына қатысты ділгір сұрақтарға қанағаттанарлық жауап алыпты. Азаматтардың еңбек құқығын қор­ғау, зейнетақы тағайындау, баспанамен қамтамасыз ету мәселелері бойынша да пайдалы кеңестер ұсынылды.

БАҚ өкілдерімен өткен брифингте Қазақстанның қуатты мемлекет ретінде орныққаны, халықтың тұр­мыс сапасы жақсарғаны, әлеу­меттік қолдаулардың артқаны атап көрсетілді.

Өмір ЕСҚАЛИ,

«Егемен Қазақстан»

Солтүстік Қазақстан облысы