Қазіргі таңда ауыл шаруашылығы, мал шаруалығы, мал дәрігері сияқты мамандықтар сұранысқа ие болып отырған уақыт. Өйткені, осы мамандар тапшы. Осыған орай, Манаш Қозыбаев атындағы Солтүстік Қазақстан университетінің базасында ауыл шаруашылығы жануарларын вакцинациялауды оқыту бойынша сертификаттау орталығын ашу жоспарланып отыр, - деп хабарлайды «Ұлт ақпарат».
Белгілі болғанындай, аталған орталық француздық CEVA SANTE ANIMALE компаниясымен бірлесе отырып, ашылатын болады. AVA QAZAQSTAN өкілі Ферхат Білтекиннің айтуынша, аталған ауылшаруашылығы саласында сараптама жасайтын ғаламдық компания екен.
«Бұл өте қызықты жоба. Ауылшаруашылығы саласында маңыздылығы да басым. Бұл жоба тәжірибе жасап көретін жоба емес, нақты іске көшетін жоба. Сондықтан біздің Kozybayev University жобамыз біздің ойлап тапқан жаңа технологияларымызды өндіріске енгізумен байланысты. Біз мал шаруашылығы, құс шаруашылығы, шошқа шаруашылығы салаларында сараптама жасайтын ғаламдық компаниямыз. Бізде әлемнің түрлі елдерінде - АҚШ, Ресей, Түркия, Еуропа елдерінде өкілдіктер бар. Әр компонент бойынша біз оқыту үшін халықаралық мамандарды шақыратын боламыз», - AVA QAZAQSTAN өкілі Ферхат Білтекин.
Аталған жоғары оқу орны бірігіп отырған француз ветеринарлық компаниясы мал шаруашылығы мен құс шаруашылығына арналған фармацевтикалық өнімдер мен вакциналарды зерттеуге, әзірлеуге, өндіруге және сатуға маманданған екен. Ал Kozybayev University ректоры Ерлан Шулановтың айтуынша, мамандандырылған аудиторияда «айна кабинеті» типі бойынша ресімделеді және барлық қажетті жабдықтармен жабдықталып, студенттер мен оқытушылар үшін сертификаттар тегін болады
«Қазіргі нарықтық заманда күшпен емес, біліммен сынасатын уақыт деп білеміз. Біздің ЖОО түлектердің еңбек нарығында сұранысқа ие болуы үшін көп қаржы салынады. Дипломдардан басқа, олар жұмыс берушілердің талаптарына сай келетін халықаралық компаниядан нақты сертификаттар алады. Біздің студенттер, болашақ зоотехниктеріміз француздық вакциналау технологияларын меңгеріп, осылайша СҚО-да осы салада жаңашыл маман иелері бола алады», - деп түсіндірді Kozybayev University ректоры Ерлан Шуланов.
Белгілі болғанындай, алғашқы кезеңде бірнеше оқытушыны жаттықтырушы ретінде дайындау жоспарлануда, олар алдағы уақытта республика өңірлеріндегі студенттер мен фермерлерді оқыта алады. Осы мақсатта ЖОО-да ауыл шаруашылығы жануарларын вакцинациялауды оқыту бойынша сертификаттау орталығы ашылады.
Айта кетейік, мұндай маңызды мәселені талқылаған жиынға «М амбетов и К» ШҚ, «Қызылжар Сүт» ЖШС және «Арқалық» ШҚ сияқты ветеринарлық станция және ветеринария басқармасының мамандары қатысты. Кездесуге қатысушылар ауыл шаруашылығы жануарларының денсаулығын жақсарту саласында халықаралық компаниялардың өкілдерімен тәжірибе алмасты. Аталған ауқымды жобаның басталуы жоғары оқу орны мен серіктес компаниялар арасындағы ынтымақтастық туралы үшжақты меморандумға қол қою арқылы жүзеге асырылады.
Естеріңізге сала кетейік, қазіргі таңда ауыл шаруашылығы, мал шаруалығы, мал дәрігері сияқты мамандықтар сұранысқа ие болып отырған уақыт. Өйткені, осы мамандар тапшы. Осыған орай, Манаш Қозыбаев атындағы Солтүстік Қазақстан университетінің базасында ауыл шаруашылығы жануарларын вакцинациялауды оқыту бойынша сертификаттау орталығын ашу жоспарланып отыр. Белгілі болғанындай, аталған орталық француздық CEVA SANTE ANIMALE компаниясымен бірлесе отырып, ашылатын болады. AVA QAZAQSTAN өкілі Ферхат Білтекиннің айтуынша, аталған ауылшаруашылығы саласында сараптама жасайтын ғаламдық компания екен.
1147 рет оқылды
