03 қаз, 2016 сағат 07:34

Сириялық Алеппо түбінде қала үшін шайқас жүріп жатыр

Сирияда жексенбі күні оппозицияның қарулы күші Алеппо түбіндегі бірнеше ауданда үкімет әскерімен соғысты. Сириялық қолбасшылық оппозицияны қаруларын тастап, қаладан кетуге шақырды.

Атыстар Алеппо қаласының солтүстігіндегі Әл Шукиф биіктігі үшін, Бустан әл Баша ауданында жүрді. Үкімет күштерінің Алеппоға шабуылдарын ресейлік және сириялық әуе күштері қолдап отыр. Әуе соққылары қаланың шығыс аудандарына жасалды. Бұл туралы Associated Press агенттігі сириялық адам құқығын қорғаушыларға сілтеме жасап хабарлады.

Оппозициялық қарулы топтың бір мүшесі агенттікке үкімет әскері құрамында шетел азаматтары соғысып жүргенін хабарлаған. Олар - Ливан және Ирак азаматтары, ұстаған туларынан соны аңғаруға болады, деді оппозиция құрамындағы дереккөз.