18 қаз, 2021 сағат 21:42

СІМ Оңтүстік Кореядағы қазақстандықтың өліміне қатысты түсінік берді

Сыртқы істер министрлігі Оңтүстік Кореядағы екі қазақстандықтың арасындағы қақтығысқа түсінік берді, - деп хабарлайды Tengrinews.kz.

"2021 жылы 12 қазанда Чонджуда (Корея Республикасы) Қазақстанның екі азаматы арасында жанжал болып, нәтижесінде қатысушылардың бірі пышақ жарақатын алып, қайтыс болды", - деп хабарлады Қазақстан СІМ баспасөз қызметі.

Кісі өліміне күдікті Қазақстан азаматы тұтқындалып, тергеу изоляторында жатыр.

Сыртқы саяси ведомство Сеулдегі елшіліктің консулдық бөлімі марқұмның мәйітін Қазақстанға жіберу мәселесін шешіп жатыр. Екі қазақстандық та Оңтүстік Кореяда заңсыз жүрген.

Еске салайық, Оңтүстік Кореяның Чонджу қаласында төбелес кезінде Қазақстан азаматы пышақ жарақатынан қайтыс болды. Бұл туралы жергілікті БАҚ хабарлады.