Фото: Polisia.kz
Шымкентте халық көп жиналатын орындарға азаматтардың полициямен жедел байланысқа шығуын қамтамасыз ететін дабыл түймелері орнатылды, деп хабарлайды Ult.kz.
Бұл құрылғылар полиция департаментінің жедел басқару орталығына аудио және бейне байланыс орнатуға мүмкіндік береді. Әрбір "SOS" батырмасы камера, микрофон және динамикпен жабдықталған, бұл операторға қоңырау шалушыны көруге, естуге және оқиға орнына полиция наряды жеткенге дейін қажетті нұсқаулық беруге жағдай жасайды. Дабыл түскен сәтте инспектор жақын маңдағы патрульдік жасақты немесе учаскелік полицейді оқиға орнына бағыттайды.
"SOS" батырмалары қылмыстың алдын алу және қауіпсіздікті арттыру мақсатында орналастырылған. Құрылғылар вандализмге төзімді етіп жасалған. Жақын арада қалада тағы 50 қосымша құрылғы орнату жоспарланып отыр. Бұл қоғамдық тәртіпті нығайтуға және төтенше жағдайларға әрекет ету уақытын қысқартуға септігін тигізеді.
2157 рет оқылды
