Шығыс Қазақстан облысының Тарбағатай ауданында нөсер жауын салдарынан үйлерді су басты, деп хабарлайды "Ұлт ақпарат" облыстық төтенше жағдайлар департаментіне сілтеме жасап.
19 шілденің кешінде Тарбағатай ауданының Жаңаауыл ауылында нөсер жауын болып, салдарынан 10 тұрғын үйді су басты. Ауылдағы су деңгейі шамамен 20 сантиметрді құраған.
Су басқаннан кейін үш шаруашылық құрылыстың саман қабырғалары жарым-жартылай бұзылған. Су басқан үйлердің тұрғындары – 20 адам туыстарының үйіне жайғастырылды.
Аудандық өрт сөндіру қызметкерлері суды мотосорғының көмегімен тартып алды. Барлығы 7000-ға жуық текше метр су сорып алынған.
Қазіргі кезде үйлерден су кетті. Комиссия келген шығынды анықтау үстінде.
1062 рет оқылды
