Шығыс Қазақстан облысы Жарма ауданында сібір елігін атқан браконьер ұсталды, деп хабарлайды ҚазАқпарат.
ШҚО Полиция департаменті баспасөз қызметінің мәліметіне сүйенсек, Жарма ауданының полицейлері «Омбы-Майқапшағай» тасжолының бойында заңсыз аңға шыққан ер адамды ұстады. 55 жастағы Семей қаласының тұрғыны сібір елігін атып алған.
Күдіктінің танысына тиесілі «Volkswagen» автокөлігі, 16х2 калибрлі «ИЖ-58» мылтығы, 7.62 мм калибрлі «Вепрь-Супер» мылтығы, 7.62 мм калибрлі 2 гильза, пышақ және еліктің өлексесі тәркіленді. Мемлекетке келтірілген залал 765 000 теңгеден асады.
Қазіргі уақытта ер адам полиция бөліміне жеткізілді. Аталған факті бойынша ҚР ҚК-нің 337-бабы 3-бөлігіне (Заңсыз аң аулау) сәйкес сотқа дейінгі тергеу амалдары басталды. Браконьер 5 жылға дейін бас бостандығынан айырылуы мүмкін.
Айта кетейік, Қазақстанда сібір елігі Қызыл кітапқа енгізілген.
717 рет оқылды
