Халықаралық ЭКСПО-2017 көрмесі қарсаңында Қазақстан Республикасы Премьер-Министрі Б.Сағынтаев Астана әуежайын аралап, жаңа жолаушылар терминалдарының құрылысы барысымен танысты, сондай-ақ әуежайдың қолданыстағы терминалының жұмысы туралы баяндаманы тыңдады, - деп хабарлайды "Ұлт ақпарат" primeminister.kz порталына сілтеме жасап.
Астана әуежайының жолаушылар терминалын жөндеу «Нұрлы жол» бағдарламасын орындау аясында 2015 жылдың қаңтарынан бастап жүргізіліп жатыр. Жобада жалпы ауданы 47 000 ш.м. болатын терминал салу қарастырылған, оны аяқтаған соң әуежайдың өткізу қабілеті жылына 8,2 млн. астам жолаушыны құрайды.
1 маусымға қарай жаңа терминал бірінші рейстің жолаушыларын қабылдауға дайын болады деп күтілуде.
Айта кетер болсақ, биыл 10 маусым мен 10 қыркүйек аралығында Астанада «Болашақ энергиясы» тақырыбымен Халықаралық ЭКСПО-2017 көрмесі өтеді. Бұл кезеңде елордаға шетелден және Қазақстан облыстарынан 2 миллионға жуық турист келеді деп күтілуде.
2422 рет оқылды
