Фото: m.yk-news.kz
Риддерде өңірлік ауқымдағы төтенше жағдай режимі жарияланды, - деп хабарлайды Tengrinews.kz сайты Кazlenta.kz басылымына сілтеме жасап.
Мұндай шешімді Шығыс Қазақстан облысының әкімі Даниал Ахметов қабылдағаны хабарланды. Аймақ басшысының айтуынша, Риддердегі жылу электр орталығының жұмысында үлкен кемшіліктер бар.
"Жаңа RNGK компаниясының иесі қаңтардан бастап ешқандай жұмыс жүргізбеді. Өткен кезеңде үш миллиард теңгеден астам берешек қалыптасты, мазут, көмір, электр энергиясын жеткізуде олқылықтар болды. Сонымен қатар қараша айынан бастап шұғыл жөндеу және қалпына келтіру жұмыстарын жүргізген компанияларға еңбекақы төлеуде әлі кешіктірулер бар. Барлығы жұмыс процесінде 67 сыну тіркелді", - деп келтіреді басылым ШҚО әкімінің сөзін.
466 рет оқылды
