24 нау, 2021 сағат 18:43

Ресейде қазақстандық жұмысшылар жаппай төбелесті - БАҚ

Мурманск облысында орналасқан Белокаменкадағы ірі тонналы теңіз құрылыстары орталығының құрылыс алаңдарының бірінде ("НОВАТЭК" жобасы) жұмысшылар жаппай төбелесті, олардың ішінде қазақстандықтар да бар, - деп хабарлайды Tengrinews.kz "Вечерний Мурманск" басылымына сілтеме жасап.

Оқиға 23 наурызда болған.

ІІМБ хабарына қарағанда, алты адам жарақат алған. Дәрігерлер оларға үйінде медициналық көмек көрсеткен. Полиция қызметкерлері тексеріс жүргізіп жатыр, оның қорытындысы бойынша процессуалдық шешім шығады. Алдын ала мәлімет бойынша, қақтығысқа тұрмыстық жанжал себеп болған.