Жапыраққа, картонға, алмаға сурет салудың шебері Қанат Нұртазиннің қолынан шыққан туынды Испанияның «Реал Мадрид» футбол клубының Instagram-дағы ресми парақшасында жарияланды, деп хабарлайды "Ұлт ақпарат".
Осыдан бірнеше күн бұрын испандық клубтың Instagram парақшасында футболшылардың жасыл алаңдағы сәттері бейнеленген 9 сурет жарияланып, жанкүйерлерден сол суреттерді тың бейнеде редакциялау ұсынылған еді. Көңілден шыққан туынды #RMEditChallenge тегімен клубтың Instagram парақшасында жарияланатындығы да айтылған болатын.
Осыдан кейін қазақстандық суретші Қанат Нұртазин клуб капитаны Серхио Рамостың суретін жапырақ бетіне түсіру барысын видеоға таспалап, Instagram парақшасында жариялады. Сәлі кейінірек видео «Реал Мадрид» футбол клубының Instagram-ында орналастырылды.
«Бұл жолы @realmadrid жұмысымды ескерер деп үміттенемін», - деп жазған еді Қанат Нұртазин.
«Қазақстанның 100 жаңа есімі» жобасы жеңімпазының бірі Қанат Нұртазин 70-ке жуық сурет салу әдісін игерген. Ол жапыраққа, картонға, алмаға сурет салудың шебері, фуд арт, поинтилизм өнерін меңгерген, кофе, жіп, шегеден неше түрлі туындылар жасайды, графика, stop-motion, инсталляция, шынайы толықтырылған фото, скетчинг, халфтон, тігін гарнитурасынан және басқа жұмыстар дайындайды.
1425 рет оқылды
