Ресей Президенті Владимир Путин Қазақстан Президенті Нұрсұлтан Назарбаевқа Сириядағы жағдайды реттеуге қатысты келіссөздерді ұйымдастырғаны үшін алғысын жеткізді. Бұл туралы ол Алматыда Президент резиденциясында өтіп жатқан кездесу барысында айтты, - деп хабарлайды "Ұлт ақпарат" kaz.tengrinews.kz порталына сілтеме жасап.
"Мен сізге Кездесуіміздің басында Астанадағы Сирияға қатысты келіссөздерді ұйымдастырғаныңыз үшін алғыс айтқым келеді. Қазақстандық тараптың осы келіссөздерге жақсы әсер еткенін білемін. Сіздің жеке өзіңіздің осы іс-шараға қатысып, делегация қатысушыларымен жұмыс істегеніңізді де білемін. Осы іске қатысуыңыздың арқасында барлық кездесу сәтті өтті. Бұған дейін мүлде олай болған емес. Сириядағы соғысты тоқтатуды бақылауға қатысты механизм құрылды. Біз үшін ең маңыздысы - осы, яғни, бұл Женевада келіссөздерді жалғастыруға мүмкіндік берді деген сөз", - деді Владимир Путин.
Қазақстан және Ресей президенттері Нұрсұлтан Назарбаев пен Владимир Путиннің кездесуі Алматыда Президенттің резиденциясында өтіп жатыр. Келіссөздер барысында екіжақты ынтымақтастық мәселелері, сондай-ақ, өңірдегі және халықаралық күн тәртібіндегі мәселелер талқыланып жатыр. Кремль сайтының мәліметінше, Нұрсұлтан Назарбаев пен Владимир Путиннің кездесуі барысында екі ел арасындағы сауда-экномикалық және мәдени-гуманитарлық салалардағы, энергетика және ғарыш, сонымен қатар, халықаралық күн тәртібіндегі негізгі тақырыптар талқыланады. Екі ел көшбасшылары еуразиялық бірлестіктің әрі қарай дамуына байланысты мәселелерді қозғайды.
Еске сала кетейік, кеше, 26 ақпанда Нұрсұлтан Назарбаев пен Владимир Путин Алматыда бейресми кездесу өткізген болатын. Мемлекеттер басшылары жексенбіні Алматы маңындағы тау-шаңғы саяжайында өткізген еді.
2593 рет оқылды_140_110.webp)
