ҚР Президенті жанындағы Қазақстан стратегиялық зерттеулер институты директорының кеңесшісі Мадина Нұрғалиева Президенттік жастар кадр резерві туралы пікір білдірді, деп хабарлайды ҚазАқпарат.
«Президенттің жастар кадр резерві болашағынан зор үміт күттіретін 300 жас қазақстандықты іріктеп алуға мүмкіндік берді. Қазір әлем бойынша саяси элитаны жаңарту қажеттілігі бар. Осы тұрғыдан алғанда, бұл жоба заман талабына сай», - дейді Мадина Нұрғалиева.
Ол іріктеуден өткен 300 адам үлкен саяси лауазымға ие болуы мүмкін екенін айтты.
«Олар - болашақ министрлер мен оның орынбасарлары, облыс әкімдері, қала әкімдері, комитеттің жауапты хатшылары және басқа да қызметтерге үміткер. Осы жобаға дейін аталған лауазымға ие болғысы келген адам барлық сатыдан өтіп, қырық бес жастан асқан соң ғана басшы бола алатын. Ал бұл жоба жастардың үлкен лауазымда қызмет етіп, қоғамға өзгеріс әкелуіне мүмкіндік береді. Бұл жобаға 35 жасқа дейінгі мамандар қатысса, іріктеуден өткендердің орташа жасы - 31-де. Ең жас кандидат - 24-те», - дейді ол.
1370 рет оқылды
_80_80.jpg)
