Президенттікке үміткер 3 млн теңге жарна төлеуі керек – ОСК

Орталық сайлау комиссиясы президенттікке кандидат төлейтін сайлау жарнасының мөлшерін атады, деп хабарлайды Sputnik Қазақстан.

"Бүгінде сайлау жарнасының мөлшері 3 миллион теңгені құрайды. Бұл 50 ең төменгі жалақы. Егер кандидат лауазымға сайланса немесе дауыс беруге қатысатындардың кемінде 5 процент даусын жинаса, сайлау жарнасы қайтарылады", - деді Орталық сайлау комиссиясы төрағасының орынбасары Константин Петров.

Президенттікке кандидаттарды тіркеу үшін мына құжаттар қажет:

• қоғамдық бірлестіктің жоғары органының президенттікке кандидат ұсыну жөніндегі мәжілісінің осы қоғамдық бірлестікті әділет министірлігінде тіркеу туралы құжаттың көшірмесі қоса тіркелген хаттаманың үзіндісі;
• президенттікке кандидат болып дауысқа түсуге келісім беру жөніндегі өтініш;
• азаматтардың кандидатты қолдап жиналған қолдарын тексерудің нәтижесі туралы аумақтық сайлау комиссияларының хаттамалары;
• кандидаттың өмірбаяндық деректері;
• кандидат пен оның зайыбының (жұбайының) активтері мен міндеттемелер туралы декларацияларды тапсырғаны жөнінде мемлекеттік кіріс органының анықтамасы;
• кандидаттың сайлау жарнасын енгізгенін куәландыратын құжат;
• денсаулығының жай-күйі туралы медициналық қорытынды.

Сайлау алдындағы үгіт жүргізу 21 қазанда басталып, 18 қарашаға дейін созылды.

19 қараша – тыныштық күні. Дауыс беру күні – 20 қараша.