09 мам, 2022 сағат 15:40

Президент әкімшілігі Рақымжан Қошқарбаевтың ескерткішіне гүл шоғын қойды

Бүгін Қазақстан Республикасының Президенті Әкімшілігінің басшылығы Рейхстагқа бірінші болып ту тіккен қазақ халқының ұлы перзенті, "Халық Қаһарманы" Рақымжан Қошқарбаевтың ескерткішіне гүл шоғын қойып, қазақстандық жауынгерлердің рухына тағзым етті, - деп хабарлайды "Ұлт ақпарат" Ақорданың ресми сайтына сілтеме жасап.

Салтанатты шараға Президент Әкімшілігінің Басшысы Мұрат Нұртілеу мен Президент Әкімшілігі Басшысының орынбасары Аида Балаева қатысты.

Айта кетейік, Нұр-Сұлтанда Рахымжан Қошқарбаевтың ескерткіші 2016 жылы ашылды.

11 метрлік ескерткіш Бауыржан Момышұлы мен Рахымжан Қошқарбаев даңғылдарының қиылысында орналасқан. Ол салмағы 60 тонналық тұғыр мен салмағы 3 тонналық халық батырының қола мүсінінен тұрады. Мүсіндік композицияның биіктігі - 6 метр, ал гранит тұғыры -4,5 метр.