Премьер-министр Әлихан Смайылов Цифрлық даму, инновациялар және аэроғарыш өнеркәсібі министрі Бағдат Мусиннен 3 тамызда электронды Үкімет жұмысын тоқтатқан ақпараттық жүйелердегі ақау туралы сұрады, - деп хабарлайды Tengrinews.kz.
Смайылов министрге ақау электронды үкімет инфрақұрылымын бір тәуліктен аса уақытқа тоқтатқанын еске салып, ақпараттық технологиялардың үздіксіз жұмыс істеуі үшін қандай шаралар қабылданып жатқанын сұрады.
Бағдат Мусин мемлекеттік органдардың серверлік орталығының жұмысында құрылымдық бұзушылықтың пайда болуына бірқатар ақпараттық жүйелердің істен шығуы себеп болғанын айтты.
"Иә, шынында да, 3 тамызда мемлекеттік органдардың серверлік орталығында құрылымдық ақау болды. Біз бұл ақауды тексердік, талдадық. Бұған бірқатар ақпараттық жүйелердің істен шығуы себеп болды. Бірақ азаматтардың деректері қалпына келтірілді", - деді министр.
Оның айтуынша, деректердің көшірмесін жасау және үкіметтің тұрақты жұмысын қамтамасыз ету бастамасын одан әрі жүзеге асыру жоспарланып отыр.
"Біз негізгі резервтік деректерді өңдеу орталықтары үшін дербес инфрақұрылым құруды жоспарлап отырмыз. Алдын ала тиісті шаралар қабылданатын болады", - деп түйіндеді сөзін Бағдат Мусин.
513 рет оқылды
