#
#
Сенбі 23/01/2021

Павлодарда жылу электр орталығындағы апаттың қайдан шыққаны белгілі болды

  • 29.11.2020
  • 0
  • 213

Павлодар қаласында жылу электр орталығындағы апаттың қайдан шыққаны белгілі болды, деп хабарлайды "Ұлт ақпарат" ТЖМ баспасөз қызметіне сілтеме жасап.

27 қарашада сағат 20.10-де 112 пультіне тұрғындардан Павлодар қаласының оңтүстік және шығыс шағын аудандарында жылу бірде келіп, бірде келмей тұрғаны туралы хабар келіп түскен. 

№1 жылу электр орталығында сағат 19.00-де жарылған №3 құбырдың жұмысы тоқтатылды, қалпына келтіру жұмысын жүргізу кезінде жылу айдайтын үш желілік сорғы тоқтатылды, жылу беру азайтылды. 

ТЖМ ресми өкілі Талғат Уәли хабарлауынша, авариялық-қалпына келтіру жұмысын жүргізу кезінде №1 жылу электр орталығының тұтынушыларын 27 қарашада сағат 20.00-де №2 және №3 жылу электр орталықтарына қосты.

№1 жылу электр орталығы аумағындағы жылу желісінің бүлінген учаскесі бұзылып, жаңасы орнатыла бастады. Авариялық-қалпына келтіру жұмысы 28 қарашада сағат 12.00-ге дейін жалғасты. Жылумен жабдықтау іске қосылды.

Қазіргі мәлімет бойынша «Қазақстан алюминийі» АҚ 1-жылу электр орталықтың аумағындағы тозған диаметрі 800 мм құбыр құбыр жарылды. Соның салдарынан қаланың оңтүстік және шығыс бөлігінде жылу беру азайтылған. 

№1 жылу электр орталықтың жылу желілерін авариялық-қалпына келтіруге жеке құрамнан 90 адам және 25 техника жұмылдырылды. «Жылу желілері» ЖШС (40 адам және 10 техника), «Алюминй Казасхстан» АҚ 1-ЖЭО (40 адам және 10 техника), жергілікті атқарушы органдар (5 адам жəне 3 техника), Павлодар облысы ТЖД (5 адам жəне 2 техника).

29 қарашада жағдай бойынша қаладағы жылу желісінде басқа апат тіркелмеген.

0 пікір

Пікір қалдыру

Чтобы оставлять комментарий нужно зарегистрироваться или авторизироваться

Маңызды мақалалар

БАННЕР

Аймақтар жаңалықтары

Басқа да мақалалар